१२ औ कपिलवस्तु डान्स आइडलको आकर्षण : १ लाख २१ हजार नगदसँगै चाँदीको टोपी

कपिलवस्तु ८ मंसिर । १४ औं कपिलवस्तु महोत्सवको आकर्षक, १२ औँ कपिलवस्तु डान्स आइडलको आज पनि अडिसन हुँदैछ ।यो प्रतिस्पर्धामा यस क्षेत्रका धेरै युवा युवतीको आकर्षण देखिएको छ। त्यसको मुख्य कारण हो आकर्षक नगद पुरस्कार र उपादी ।आइडलमा प्रथम हुनेलाई १ लाख २१ हजार १ सय २१ रुपैयाँसँगै चाँदीको टोपी, द्वितीय हुनेलाई ७७ हजार ७ सय ७७, तृतीयलाई ५५ हजार ५ सय ५५ रुपैयाँ सान्तवनालाई समेत पुरस्कारको व्यवस्था गरिएको आयोजकले जनाएको छ।
१४ औं कपिलवस्तु महोत्सवको आकर्षक अन्तर्गत आयोजना हुने १२ औँ कपिलवस्तु डान्स आइडल अन्तर्गतको अडीसन विभिन्न चरणमा भएको छ । १४ औं कपिलवस्तु महोत्सव कृषि पर्यटन तथा औद्योगिक प्रदर्शनी आयोजक बाणगंगा वेयलफेयर सोसाइटीको भवनमा ५ गतेदेखि सुरु भएको अडिसन आज ११ बजेदेखि हुने आइडल संयोजक खडक बहादुर क्षेत्रीले जानकारी दिए ।महोत्सव बुद्ध रंगाशालमा यही मंसिर २१ देखि पुष १ गतेसम्म आयोजना हुने छ ।बाणगंगा वेयलफेर सोसाइटी बाणगंगाको चर्चित र पुरानो सामाजिक कार्यमा सक्रिय क्लब हो ।यहि मंसिर ५ गते र ७ गते अडिसनमा कलाकारहरुले आ–आफ्ना नृत्य प्रस्तुत गरेका थिए भने आज फेरि उनीहरुले बेजोड नृत्य प्रस्तुत गर्नेछन् । चारनम्बरको जितपुर बुद्ध रंगशालामा हुने महोत्सवको बिशेष प्रस्तुतिको रुपमा डान्स आइडल रहने क्षेत्रीले बताए ।
१४ औं कपिलवस्तु महोत्सवसँगै डान्स आइडललाई भव्य र सभ्य रुपमा सम्पन्न गर्ने गरी आफूहरु व्यापक सक्रिय भएर लागेको महोत्सवका संयोजक राजकुमार खाँणले बताए । महोत्सवका निर्देशक बुद्धि बहादुर रोकाह दिनेशले महोत्सवसँगै डान्स आइडललाई विशेष र एतिहासिक बनाउने गरी सहयोग गर्न सबैमा अपिल गरे ।
१२ औं कपिलवस्तु डान्स आइडलको प्रमुख निर्णायक हरिशरण रिजालले डान्स आइडल सुनौलो अवसर भएको र राम्रो कलाकार राम्रो डान्सर बन्ने अवसर कपिलवस्तुमै आएको बताए । रिजालले डान्स आइडलबाट कलाकारिता क्षेत्रको नयाँ बाटो खुल्ने र प्रतिष्पर्धीलाई म्युजिक भिडियोदेखि लिएर राष्ट्रिय तहमा समेत स्थान दिने प्रतिबद्धता जनाएका छन् ।

यस क्षेत्रको उद्योग, व्यापार, पर्यटन, भेषभूषा, कला, संस्कृति, ऐतिहासिक स्थल संरक्षण तथा प्रवद्र्धन गर्न कपिलस्तु महोत्सवले र कला संस्कृति प्रवद्र्धनमा कपिलवस्तु डान्स आइडलले विशेष योगदान गर्दै आएको छ ।