बैतडी १४ मंसिर । नेकपा एकीकृत समाजवादी बैतडीमा रित्तिएको छ । नेकपा एमालेले आजबाट सुरुगरेको झुलाघाट– चिवाभन्ज्याङ अभियानको क्रममा आज आयोजित सभामा नेकपा एसका केन्द्रीयसदस्य, जिल्ला अध्यक्षसहित सवै नेता–कार्यकर्ता एमालेमा समाहित हुनुभएको हो ।एमालेले सुरू गरेको झुलाघाट–चिवाभञ्ज्याङ पदयात्राको उद्घाटनपछि बैतडी सदरमुकामगोठलापानीमा आयोजना आमसभामा नेकपा एसका केन्द्रीय सदस्य एवं बैतडी इन्चार्ज नरेन्द्र विष्ट, जिल्ला अध्यक्ष महादेव भट्ट, नेत्री पार्वती भट्ट र चमनकुमार भण्डारीसहितका नेता एमालेमा फर्किनुभयो।
यस्तै २०७४ सालको स्थानीय तहको निर्वाचनमा नेपाली कांग्रेसबाट पाटन नगरपालिकाको उपमेयरमानिर्वाचित नेपाली काग्रेंस महाधिवेशन प्रतिनिधि सरस्वती कोली र नेपाल दलित संघको अध्यक्षरहिसकेका रमेश कोली पनि एमालेमा प्रवेश गर्नुभयो । पार्टीमा भित्रिएका नेता–कार्यकर्तालाई एमाले अध्यक्ष केपी ओलीले टीका लगाएर स्वागत गर्नुभयो ।आजको पार्टी प्रबेशसंगै माधव नेपालको नेकपा एस बैतड़ीमा रित्तिएको छ ।
प्रतिक्रिया