अपाङगता क्षेत्रमा राज्यले ठोस नितिगत योजना बनाउनु पर्छ :शर्मा

कपिलवस्तु १६ मंसिर ।अपांग उत्थान समाज कपिलवस्तुको आयोजनामा ३१ औ अन्तरराष्ट्रिय अपांगता दिवस कपिलवस्तुको वाणगंगा जितपुर शहरमा भव्यताका साथ मनाइएको छ । चोकमा दिप प्रज्जवलन गरि कार्यक्रम गरिएको हो । कार्यक्रमलाई सम्बोधन गर्दै राष्ट्रिय अपांग महासंघका निर्वतमान अध्यक्ष मित्रलाल शर्माले अपांगहरुलाई क्षमता अनुसारको अवसरको आवश्यकता भएको औल्याउनु भयो ।
अपांगता भएका व्यक्तिहरुको लागि राज्यले नितिगत रुपमा ठोस योजना बनाउनु पर्नेमा अध्यक्ष शर्माले जोड दिनु भयो । कार्यक्रममा अपांग महासंघका लुम्विनी प्रदेश अध्यक्ष होमराज अधिकारीले अपांगता भएकाहरुलाई दयाको पात्र नबनाइ अवसर र रोजगारी दिनु पर्ने बताउनु भयो । अपांग उत्थान समाज कपिलवस्तुका अध्यक्ष कमल ढुंगानाको अध्यक्षता , लुम्विनी प्रदेश सभिव सन्तोष पन्थीको सञ्चालनमा कार्यक्रम भएको हो ।