पहाडलाई समृद्ध पार्ने संकल्प यात्राले जनतामा उत्साह :नेता थापा

गुल्मी १७ मंसिर ।नेकपा एमालेका पोलिटब्युरो सदस्य सूर्य थापाले समृद्धिको यात्राले जनतामा थप उत्साह पैदा भएको बताउनुभएको छ । नेकपा एमाले गुल्मीले आयोजना गरेको पत्रकार सम्मेलनमा मङ्सिर १४ गतेदेखि एमालेले सुरु गरेको समृद्धिका लागि सङ्कल्प यात्रा सहित मध्यपहाडि राजमार्ग यात्राले जनतामा थप उत्साह पैदा भएको उहाँको दावी छ ।
बैतडीको झुँलाघाटदेखि पाँचथरको चिवाभन्ज्याङसम्मको यात्रामा जनताका गुनासा, सल्लाहा सुझावले पार्टीलाई थप बलियो बनाउने समेत उहाँले बताउनुभयो ।

यस समयमा मध्यपहाडी लोक मार्गको अवस्था र आगामी दिनमा एमालेले गर्नुपर्ने कार्यहरु लाई समेत मार्ग निर्देशन गर्ने उहाँको भनाइ छ । नेकपा एमाले जनताका सुख दुःखमा साथमा रहेको दावी गर्दै थापाले जाजरकोट र रुकुम पश्चिमको भूकम्प प्रभावितमा खटिएको स्वयम्सेवकको टोलीले समेत पुष्टि गरेको उहाँले जानकारी दिनुभयो।यस्तै, यहि २० गते गुल्मीको वामीमा हुने विशाल आम सभाको सम्पूर्ण तयारी पूरा भएको एमाले गुल्मीले जनाएको छ । केन्द्रिय अध्यक्ष सहितका नेताहरुले सो सभालाई सम्बोधन गर्ने कार्यक्रम रहेको नेकपा एमाले गुल्मीका अध्यक्ष बालसिंह काउछाले जानकारी दिनुभयो । सो सभामा १० हजार बढी कार्यकर्ता उतार्ने गरी एमालेले तयारी गरेको काउछाले बताउनुभयो ।