१४औं कपिलवस्तु महोत्सवः आजका मुख्य आकर्षण यस्ता छन

कपिलवस्तु २४ मंसिर ।बुद्ध रंगशालामा जारी १४औं कपिलवस्तु महोत्सव अन्तर्गत आज आइतबार चर्चित गायिका अस्मिता अधिकारीसँगै अरु महत्त्व पुर्ण कलाकार आउँदै छन । बाणगंगा वेयलफेयर सोसाइटीको आयोजनामा भएको १४ औं कपिलवस्तु महोत्सवको चौथो दिन आज अधिकारीसंगै चर्चित लोक दोहोरी गायक श्याम राना, हास्य तथा लोकदोहोरि गायक उज्वल गिरी, वर्षा थापा लगायत स्थानिय कलाकारहरुको प्रस्तुती रहने महोत्सवका निर्देशक बुद्धि बहादुर रोकाहा क्षेत्री (दिनेश) ले जानकारी दिए ।

शनिबार नेपाल र भारतका रेसलरहरुको प्रतियोगिता, चर्चित लोक दोहोरी गायक रामजी खाँण, गायिका अस्मिता डल्लाकोटी, गायिका अनु चौधरी, गायक अफ्सर अली लगायत स्थानिय कलाकारहरुले प्रस्तुति दिएका थिए ।खाँण लगायतका कलाकारहरुसँगै दर्शक झुमेका थिए । मंसिर २१ गतेदेखि सुरु भएको महोत्सव पौष १ गतेसम्म चल्ने छ ।