एमालेका जिल्ला नेता एवम पूर्व वडाध्यक्ष खनालको निधन

कपिलवस्तु २७ मंसिर । कपिलवस्तुको एमालेका जिल्ला नेता एवम बुद्धभूमि नगरपालिका वडा नम्बर २ का पूर्व वडा अध्यक्ष भेषराज शर्मा खनालको उपचारको क्रममा निधन भएको छ । नेकपा एमालेका नेता समेत रहेका शर्माको आज बुधवार उपचारको क्रममा काठमाण्डौको टिचिङ अस्पतालमा निधन भएको एमालेका जिल्ला नेता पिताम्वर खनालले वताउनु भयो । उहालाई स्वासप्रस्वासमा समस्या भए पछि करिब २ साता अगाडी उपचारका लागि काठमाण्डौ पुराइएको थियो ।
अस्पतालले फोक्सो विग्रीएको भनेर उपचार गरि रहेकै बखत उहाको निधन भएको वताइएकोछ । बुद्धभूमि २ गोरुसिङ्गे निवासी शर्मा एमाले भित्रका असल र इमान्दार कार्यकर्ताको रुपमा चिनिनु भएको थियो । शान्त र सरल स्वाभावका शर्मा वडा अध्यक्ष भएको वेला सराहनिय काम गरेको भन्दै प्रसंसा गरिएको थियो । उहाँको बिहीवार विहान अन्त्येष्टी गरिने तयारी गरिएको छ ।उहा ७१ बर्षको हुनु भएको थियो ।

एमाले कपिलवस्तुको जिल्ला कमिटी सदस्यका साथै विभिन्न सामाजिक संघ सस्थामा उहा आवद्ध हुनु हुन्थ्यो ।बुद्ध आवाज टेलिभिजनको संचालक सस्था कपिलवस्तु संचार सहकारी सस्थाको सल्लाहकार सदस्य समेत रहनु भएके थियो । यता एमालेका पोलिटब्यूरो सदस्य विमला घिमिरे , केन्द्रिय सदस्य वलराम अधिकारी र जिल्ला अध्यक्ष डम्मर शर्माले पार्टीका जिल्ला सदस्य खनालको निधनले पार्टीले एक इमान्दार र निष्ठावान कार्यकर्ता गुमाएको भन्दै शोक ब्यक्त गर्नु भएकोछ । त्यसैगरी कपिलवस्तु संचार सहकारीका अध्यक्ष मित्रलाल शर्मा र ब्यवस्थापक भेषराज पाण्डेले संचार सहकारीका सल्लाहकार खनालको निधनले सस्थालाई क्षेती भएको भन्दै शोक बक्तब्य जारी गर्नु भएकोछ । ए