यात्रु बाहक बस र ट्रक ठोकिँदा ४ जना गम्भीर घाइते

कपिलवस्तु ३ पुस । कपिलवस्तुको बुद्धभूमि नगरपालिका २ गोरुसिङ्गेमा यात्रु बाहक बस र ट्रक ठोकिँदा ४ जना गम्भीर घाइते भएका छन् । मङ्गलवार अन्दाजी पौने ६ बजे दाङबाट बुटवल तर्फ जाँदै गरेको ना ५ ख ९६४१ नम्बरको यात्रु बाहक बस ना ८ ख १९९४ नम्बरको ट्रकलाई ठक्कर दिएको थियो । रोकिएको ट्रकमा ठक्कर दिँदा बसको बनोटमा बसेका ४ यात्रु च्यापिएका थिए ।
बसमा रहेका यात्रुको सङ्ख्या समाचार तयार हुदा सम्म किटान नभएको प्रहरीले जनाएको छ । गम्भीर घाइतेहरूलाई उपचारका लागि बुटवल लगिएको छ । बसमा रहेका अन्य यात्रु सामान्य घाइते रहेको जिल्ला ट्राफिक प्रहरी कार्यालय कपिलवस्तुका प्रहरी निरीक्षक अनिस भण्डारीले बताउनु भयो । बसमा च्यापिएकाहरूको ४५ मिनेट लगाएर उद्धार गरिएको थियो । उद्धार कार्यमा नेपाल प्रहरी, शमशेर दल गणका नेपाली सेना र स्थानीय खटिएका थिए ।