कपिलवस्तु ११ पौष ।
कपिलवस्तुको कृष्णनगर नगरपालिका ४ बाट इलाका प्रहरी कार्यालय कृष्णनगरले १ सय क्युन्टल अवैध चामल बरामद गरेको छ । कृष्णनगर नगरपालिकाको वडा नम्बर ४ महादेवाबाट वेवारिसे अवस्थामा भईमा राखेको ४९ क्युन्टल ५० किलो र सोही स्थानको केही टाढाबाट ट्रयाक्टर मा ल्याउँदै गरेको अवस्थामा ५० क्युन्टल अवैध चामल प्रहरीले बरामद गरेको बताएको छ ।
इलाका प्रहरी कार्यालय कृष्णनगरका प्रहरी निरीक्षक लक्ष्मण ओलीका अनुसार तस्करले भारतबाट नेपालतर्फ चोरी निकासी गरी ल्याउँदै गरेको अवस्थामा उक्त अवैध चामल नियन्त्रणमा लिएको बताएका छन् । कृष्णनगर नगरपालिका, ४ महादेवा बस्ने ट्रयाक्टर चालक सुकई केवटले लु ३ त ९५०४ नम्बरको ट्रयाक्टरबाट ५० क्युन्टल अवैध चामल ल्याउँदै गर्दा ट्रयाक्टर सहित नियन्त्रणमा लिएको प्रहरी निरीक्षक ओलीले बताएका छन् ।
बरामद गरिएको चामलको मूल्य ३ लाख ४८ हजार २ सय ५० रुपियाँ र ट्रयाक्टर को मूल्य १० लाख बराबर रहेको बताएको छ ।
ओलीको कमान्डमा खटिएको प्रहरी टोलीले सो अवैध चामल सहित ट्रयाक्टर नियन्त्रण लिएको र बरामद गरिएको अवैध चामल र ट्रयाक्टर आवश्यक कारवाहीको लागि भन्सार कार्यालय कृष्णनगर पठाइएको बताएको छ ।
प्रतिक्रिया