माओवादी केन्द्र कोशीले ५० सदस्यलाई जिल्ला समितिमा घटुवा गर्यो

विराटनगर १३ माघ ।नेकपा माओवादी केन्द्र ‘१ नं। प्रदेश(कोशी) समिति’ले आफ्ना ५० सदस्यलाई जिल्ला समितिमा घटुवा गरेको छ। प्रदेश इन्चार्ज चक्रपाणी खनाल (वलदेव )कोप्रमुख आतिथ्यतामा यही माघ ११ र १२ गते विराटनगरमा सम्पन्न ‘१ नं। प्रदेश समिति’को बैठकले चारमहिने जनतासँग माओवादी विशेष रुपान्तरण अभियानमा नखटिने ५० जना प्रदेश सदस्यलाई जिल्ला समितिमा घटुवा गर्ने निर्णय गरेको हो। बैठकले समितिको बैठकमा लगातार ३ पटकसम्म अनुपस्थित सदस्यहरूलाई तल्लो समितिमा घटुवा गर्ने निर्णय गरेको छ।

माओवादी केन्द्र ‘१ नं प्रदेश समिति’को बैठकले गरेका १६ वटा निर्णयमध्ये पहिलो नम्बरमा भनिएको छ, ‘प्रदेश समितिको बैठकमा लगातार ३ पटकसम्म अनुपस्थित सदस्यहरूलाई तल्लो समितिमा घटुवा गर्ने।’प्रदेश सभाको बहुमतले प्रदेश नम्बर १ को नाम कोसी राखिसकेको भए पनि यसमा पहिचानवादी असन्तुष्ट रहेकाले माओवादी केन्द्रले आफ्नो प्रदेश समितिको नाममा कोसी नराखी प्रदेश नम्बर १ नै राखिरहेको छ।