अटोरिक्सा र मोटरसाइकल ठोक्किँदा २ जनाको मृत्यु

दाङ १८ जेठ । तुलसीपुरमा अटोरिक्सा र मोटरसाइकल ठोक्किँदा दुई युवाको मृत्यु भएको छ । मृत्यु हुनेमा मोटरसाइकल चालक बबई गाउँपालिका–४ का ३० वर्षीय राजेश भण्डारी र मोटरसाइकलमा सवार सोही ठाउँका ३१ वर्षीय साकार केसी रहेको इलाका प्रहरी कार्यालय तुलसीपुरले जानकारी दिएको छ ।तुलसीपुर–२ कुमलगडीबाट तुलसीपुर बजारतर्फ जाँदै गरेको रा १ ह ४०९६ नम्बरको अटोरिक्सा र विपरीत दिशाबाट आइरहेको गरेको रा ७ प २५० नम्बरको मोटरसाइकल बिहीबार अपराह्न कुमगडीनजिकै ठोक्किएका थिए ।दुर्घटनामा गम्भीर घाइते भएका दुई जनालाई उपचारका लागि नेपालगञ्ज लगिएकोमा राति मृत्यु भएको प्रहरीले जानकारी दिएको छ । अटो चालक शान्तिनगर गाउँपालिका–७ खैरेनीका ४३ वर्षीय रुद्रबहादुर थापा घाइते छन् । उनको नेपालगञ्जमा उपचार भइरहेको प्रहरीले बताएको छ ।