असार ६ सम्म समस्या समाधान गर्ने सहमति तोड्दै संघर्षमा उत्रिएका गुठीका मोही किसान घाइते

दाङ२० जेठ । असार ६ सम्म समस्या समाधान गर्ने सहमति तोड्दै संघर्षमा उत्रिएका गुठीका मोही किसानघाइते भएका छन् । नेपाल सरकार र उनीहरु बीच भएको सहमति अनुसार २ महिना भित्रमा कार्यदल वनाई समस्या समाधानको वाटो औल्याउने र समान गर्ने गरि भएको सहमति तोडेर उनीहरु एकाएक संघर्षमा उत्रिएका हुन् ।स्वर्गद्वारी आश्रमको जग्गामा मोहि कायम भएका दाङका किसानहरुले मोहिकायम भएको जग्गाको माग गर्दै घोराहीमा रहेका मालपोत कार्यालय र नापी कार्यालयमा तालाबन्दी गरेपछि भएको झडपमा परि केहि किसानहरु घाइते भएका छन् ।

दुवै कार्यालयमा तालाबन्दी गरेपछि ताला खोल्न गएको प्रहरीसँग प्रर्दशनकारी किसानको झडप भएको हो ।प्रहरिले केहि सेल अश्रृ ग्याँस प्रहार गरेको र ४ जना किसानहरु घाइते भएको स्वर्गद्वारी गुठी पिडित सँघर्ष समितिले जनाएको छ । सरकारले पटकपटक आफुहरुसंग सम्झौता गरेपनि कार्यान्वयन नगरेका कारण दवाव स्वरुप तालाबन्दी गर्नु परेको गुठि पीडित किसान संघर्ष समितिका अध्यक्ष प्रभु चौधरीले जानकारी दिनुभएको छ । स्वर्गद्वारी गुठि पीडित किसानहरुले दाङको घोराहीमा रहेको मालपोत कार्यालय र नापी कार्यालयमा कार्यालय खुल्ने समयमा तालाबन्दी गरेका हुन् । तालाबन्दी भएका मालपोत र नापी दुवै कार्यालयलाई आन्दोलनकारीहरुले घेरेका थिए भने आन्दोलनकारीलाई भगाउन प्रहरीले लाठी चार्ज तथा अश्रुग्यास प्रहार गरेको थियोे ।