तिनाउमा डुबेर भारतीय नागरिकको मृत्यु

रुपन्देही २६ जेठ । पाल्पाको तिनाउ गाउँपालिका( ३ झुम्सास्थित तिनाउ खोलामा डुबेर भारतीय युवकको मृत्यु भएको छ ।जिल्ला प्रहरी कार्यालय पाल्पाका अनुसार भारतको कानपुर जिल्लाका ३५ वर्षीय फहिम अहमदको नुहाउने क्रममा खोलामा डुबेर मृत्यु भएको हो ।शनिबार दिउँसो तिनाउ खोलामा नुहाउन गएका अहमद पानीमा डुबेपछि उनीसँगै गएका दुई जना साथीले उद्धार गरी लुम्बिनी प्रादेशिक अस्पताल पुर्‍याएको पाल्पा प्रहरीले जनाएको छ ।घटनाबारे थप अनुसन्धान भइरहेको प्रहरीले जनाएको छ ।