अदालतको आदेशमा अमृत साइन्समा चुनाव

काठमाडौं ६ चैत । अमृत साइन्समा क्याम्पसमा स्ववियु निर्वाचन चैत १० गते हुने भएको छ । यसअघि विवादको कारणले चुनाव रोकिएपछि एमालेनिकट विद्यार्थी संगठन अनेरास्ववियुका विवेक कोइरालासमेतले दायर गरेको रिटउपर उच्च अदालतले चुनाव गराउन अन्तरिम आदेश दिएको हो ।अन्तिम तयारीमा रहेको चुनाव रोक्न उपयुक्त नहुने भन्दै अदालतका न्यायाधीश कविप्रसाद न्यौपानेको इजलासले चुनावी प्रक्रिया अघि बढाउन आदेश दिएको छ ।अदालतको आदेशसँगै आजै सर्वपक्षीय बैठक राखेर क्याम्पस प्रशासनले १० गतेलाई चुनावको मिति तोकिएको छ ।