स्वास्थ्य प्रमुख सहित आधादर्जन कर्मचारीमा संक्रमणपछि शिवराज नगरपालिका बन्द

कपिलवस्तु २४  कार्तिक । स्थास्थ्य शाखा प्रमुख सहीत एकैसाथ ६ जना कर्मचारीहरु कोरोना संक्रमति भएपछि कपिलवस्तुको शिवराज नगरपालिका ५ दिनकालागि बन्द गरिएको छ । नगरपालिकाले सुचना जारी गर्दै कोरोना संक्रमण फैलन सक्ने भन्दै कार्तिक २४ देखि २८ गते सम्मकालागि नगरपालिका बन्द गरिएको हो । 

    नगरपालिकामा अत्यावश्यक सेवा बाहेकका सम्पूर्ण बन्द गरिएको नगर प्रमुख नेत्रराज अधिकारीले प्रेसपाटीलाई बताए । नगरपालिकाका र मातहतका वडा कार्यालयहरुको नगरका सेवा बन्द हुने नगर प्रमुख अधिकारीले बताए । यस्तै नगरपालिकका बिद्यालयमा भइरहेको प्रत्यक्ष सिकाई सहजीकरणका कार्यक्रमहरु पनि वन्द भएको सूचना मार्फत जनाइएको छ ।

     यो सुचनासंगै कक्षा १२ को परिक्षा समेत अन्यौलमा परेको छ । यस अघि समुदाय स्तरमा कोरोना फैलिएपछि सो नगरपालिका  नगरपालिका समेत १५ दिनकालागि बन्द गरिएको थियो ।