नेपाल पत्रकार महासंघ लुम्बिनी प्रदेशको अध्यक्षमा गिरी निर्वाचित

कपिलवस्तु २७ चैत्र । नेपाल पत्रकार महासंघ लुम्बिनी प्रदेशको अध्यक्षमा कपिलवस्तुका वसन्त गिरी निर्वाचित हुनुभउको छ । प्रेस युनियन, प्रेस सेन्टर, माधव नेपाल निकट प्रेस चौतारी, प्रगतिशील पत्रकार संगठनहरुबीच भएको गठबन्धनबाट गिरी अत्यधिक मतसहित गयराति निर्वाचित हुनुभएको हो । उहाँले ओली निकट प्रेस चौतारीका भरत केसीलाई फराकिलो अन्तरमा हराउनुभएको छ ।उहाँलाई प्रदेशका अधिकांस जिल्लाबाट धेरै मत आएको थियो ।

अन्य पदाधिकारी र सदस्यमा पनि गिरीकै प्यानलको वर्चस्व देखिएको छ । प्रदेशको अन्तिम नतिजा घोषणा गर्न बाँकी छ ।पत्रकार महासंघका केन्द्रिय सदस्य तथा कपिलवस्तुका पूर्वअध्यक्ष समेत रहेका गिरीले दशक बढी समय पत्रकारितामा ब्यतित गरिसक्नुभएको छ । श्रमजिवी पत्रकारको हकहितमा काम गर्ने पत्रकारिताको नीति, सिद्धान्त र मर्यादालाई नभुल्ने नव निर्वाचित अध्यक्ष गिरीले बताउनुभयो ।