काठमाडौं, २९ चैत । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले आगामी चुनावमा दलहरुसँग मोर्चा बनाएर केपी शर्मा ओलीको पार्टीलाई चौथो स्थानमा झार्ने दावी गरेका छन् ।माओवादी केन्द्रको कर्णाली प्रदेश सम्पर्क समितिको आज ९शनिबार० काठमाडौंमा भएको भेलालाई सम्बोधन गर्दै अध्यक्ष प्रचण्डले आगामी चुनावमा मोर्चा बनाएर ओली समूहको पार्टीलाई चौथो पार्टी बनाउने दावी गरेका हुन् ।
अहिले नेपाल पत्रकार महासंघको चुनावमा आफूहरुको पहलमा मोर्चाबन्दी गर्दा राम्रो परिणाम आएको र ओलीको समूहलाई चौथो नम्बरमा पुर्याउन सफल भएको उनले उल्लेख गरे । उनले जनता समाजवादी पार्टी ९जसपा० का नेताहरुसँग पनि माओवादीको ‘वेभलेन्थ’ पहिलेदेखि नै मिल्दै आएकोले मोर्चा बन्न सक्ने बताए ।नेपाली कांग्रेससँग सरकारमा सहकार्य र चुनावी तालमेल गरेमा आगामी चुनावमा ओली चौथो दल हुने र उनको विघटनको यात्रा सुरु हुने प्रचण्डको भनाइ थियो ।
अध्यक्ष प्रचण्डले केही दिनमै नयाँ सरकार बन्ने दाबी समेत गरे । शुक्रबार कांग्रेस सभापति शेरबहादुर देउवाको निवासमा बसेको तीन दलहको बैठक सकारात्मक भएको र कांग्रेस पहिलोपल्ट खुलेर आएको र जसपा पनि सकारात्मक भएकाले नयाँ सरकार बन्ने विश्वास उनले व्यक्त गरे ।
प्रतिक्रिया