विपद व्यवस्थानपकालागि लुम्विनीका सबै जिल्लामा बजेट पठाएको मन्त्री आचार्यको दावि

कपिलवस्तु १७ जेठ ।लुम्बिनी प्रदेशका सरकारले प्रदेश भित्र विपद व्यवस्थानपका लागि बजेट विनियोजन गरेको आन्तरिक मामिला तथा कानुन मन्त्री चेतनारायण आचार्यले बताउनुभएको छ । मन्त्री आचार्यले  १२ वटै जिल्लाका लागि ७९ लाख रुपैया विनियोजन गरिएको बताउनुभयो । बुद्धआवाज टेलिभिजनसंग कुराकानी गर्दै उहाले यस्तो बताउनु भएको हो । 

विशेषगरी तराईका जिल्ला रुपन्देही, दांङ र बांकेको निम्ती १०/१० लाख, कपिलबस्तु, बर्दिया, नवलपरासीका लागि ८/८ लाख रुपैया रकम विनियोजन भएको उहाले बताउनुभयो । यस्तै उहाले कोभिड महामारी नियन्त्रणका र संक्रमितको उपचारका लागि प्रदेशको सबै संयन्त्र लागि परेको समेत जानकारी दिनुभयो । साथै उहाले कोरोनाबाट बच्नका लागि सर्तकता अपनाउन प्रदेश बासीहरुलाई आग्रह समेत गर्नुभयो ।