दाङ ४साउन । लुम्बिनी प्रदेश सरकारले गत आर्थिक वर्ष २०७७/०७८ मा ७ बटै प्रदेशमा पहिलो हुदै ८९ प्रतिशत बजेट खर्च गरेको छ । ३६ अर्ब ३५ करोड २५ लाख बजेटमध्ये ३२ अर्ब २६ करोड ६० लाख खर्च भएको प्रदेश लेखा नियन्त्रक कार्यालय बुटवलका लेखा नियन्त्रक दीपक ज्ञवालीले जानकारी दिनुभयो । जुन खर्च ८८.७६ प्रतिशत रहेको उहाँको भनाइ रहेको छ । चालुतर्फ १७ अर्ब ७३ करोड २५ लाख ४८ हजार बजेट रहेकोमा १३ अर्ब ७५ करोड ३३ लाख ५० हजार खर्च भएको छ । जुन ७७.५७ प्रतिशत खर्च भएको छ ।
पुँजीगततर्फ करिव सत प्रतिशत नै रकम खर्च भएको लेखा नियन्त्रक ज्ञवाली बताउनुहुन्छ । १८ अर्ब ६१ करोड ९९ लाख ५२ हजार बिनियोजित बजेटमध्ये पुँजीगत तर्फ ९९.४२ प्रतिशत खर्च भएको छ । जसमा १८ अर्ब ५१ करोड २७ लाख २७ हजार खर्च भएको छ । यो खर्च अघिल्लो आर्थिक वर्षको तुलनामा खर्च बढेको उहाँको भनाइ रहेको छ ।
“पुँजीगत खर्च करिव सतप्रतिशत खर्च भएको छ यसरी खर्च हुन सक्नु राम्रो हो” ज्ञवालीले भन्नुभयो । बजेट कार्यान्वयन गर्ने निकायले समयमा नै काम गरेको कारण बजेट बढी खर्च भएको प्रदेश लेखा नियन्त्रक ज्ञवाली बताउनुहुन्छ ।
प्रतिक्रिया