गुल्मी १० फागुन । नेकपा एमालेका सचिव गोकर्ण विष्टले एमसीसी संसद्मा टेबल गरेर सत्ता गठबन्धनले दोहोरो चरित्र देखाएको बताउनुभएको छ ।सचिव विष्टले मंगलबार गृहजिल्ला गुल्मीको मुसिकोट नगरपालिकामा स्वास्थ्य चौकीको उद्घाट्न गर्दै एकातिर एमसीसी संसद्मा पेश गर्ने सहमति गर्ने र अर्कोतिर सडक तताएर तमासा देखाउने काम गरिरहेको बताउनुभयो ।
उहाँले एकातिर सत्तागठबन्धनका मन्त्रीहरूले भोट हाल्न पाउने तर अर्कोतिर सांसदले बहिष्कार गरे झैं गरी नाटक मञ्चन गरेको बताउनुभएको हो । नेता विष्टले दुनियामा कतै नभएको संसदीय अभ्यास नेपालमा भइरहेको भन्दै कुनै पनि समस्याहरूलाई नेकपा एमालेले जनताको हितमा फैसला गर्ने बताउनुभयो । उहाँले राष्ट्रियताका सवालमा जनताको मतलाई एमालेले शिरोधार्य गरेर अगाडि बढ्नेसमेत बताउनुभएको हो ।
१० फाल्गुन २०७८, मंगलबार
प्रतिक्रिया