देशले फेरी पनि केपि जस्तै प्रधानमन्त्री खोजेकोछ : चौधरी

कपिलवस्तु ११ फागुन । नेकपा एमाले मायादेवि गाउपालिकाले सबै वडामा भेला आयोजना गरेर पार्टी कमिटी गठन तथा पुनरगठन गर्ने निर्णय गरेकोछ । जसकालागि फागुन १४ देखि २० सम्म भेलाको मिति तोकेको छ ।यसैगरी २१ फागुनमा यूवासंघ,अनेरास्ववियू ,अनेमसंघ,अनेकिमहासंघ लगायतका जनसंगठनको पालिका स्तरीय भेला आयोजना गर्ने निर्णय गरेको अध्यक्ष जगरनाथ कुर्मीले वताउनु भएकोछ ।

पालिकाको बैठकलाई संबोधन गर्दै नेकपा एमालेका जिल्ला उपाध्यक्ष विश्राम प्रसाद थारुले यसपाली मायादेविका वहुसंख्यक वडा सहित पालिकाको चुनाव जित्ने रणनीति एकमना एकताका साथ वनाउन आग्रह गर्नु भयो । उहाले सीमा क्षेत्र विकास, मधेसमा जनता आवास, सघन सहरी विकास , मधेसमा सडक र सिंचाई सञ्जाल विस्तर जस्ता काम तत्कालिन प्रधानमन्त्री केपि ओलीका पालामा भएको वताउनु भयो ।फेरी पनि देशले केपि जस्तै प्रधानमन्त्री खोजेको उहाको तर्क थियो ।
बैठकमा एमालेका जिल्ला सदस्य एवम क्षेत्रिय सहसंयोजक विश्व कार्की , जिल्ला सदस्य एवम प्रदेश क्षेत्र १ क का संयोजक भेषराज पाण्डे , प्रदेश क्षेत्र १ ख का संयोजक विनोद चौधरी , जिल्ला सदस्य विष्णु गौतम ,याकुव मुसलमान लगायतले धारणा राख्दै मधेसमा यसपाली एमालेले वाजी मार्ने उद्घोष गर्नु भएको थियो । बैकठ अध्यक्ष जगरनाथ कुर्मीको अध्यक्षता जिल्ला सदस्य उमानाथ पौडेल तिरथ पासी, श्याम यादव लगातयको उपस्थितीमा डुमरामा भएको हो ।