बाणगंगा वडा नं. ८ मा एमालेको ५ सय ५५ सदस्यि चुनावि प्रचार प्रशार समिति गठन

कपिलवस्तु, १३ वैशाख ।
यहि बैशाख ३० गते शुक्रवार हुने स्थानीय तहको निर्वाचनका लागि बाणगंगा नगरपालिका वडा नं. ८ एमाले वडा कमिटिले चुनाव प्रचार प्रशार मुल समिति गठन गरेको छ । वडा कमिटिले टुकलाल गैरेको संयोजकत्वमा ५ सय ५५ सदस्यि चुनावि प्रचार प्रशार समिति गठन गरेको हो । समितिको निर्देशन अनुसार वडामा प्रचार प्रशार टोलिले क्रियाकलाप गर्ने बताईएको छ । आईतवार र सोमवार गरि विभिन्न राजनितिक दलहका उम्मेद्वारहरुले मनोनयन दर्ता गराएका छन् । कपिलवस्तुको बाणगंगा नगरपालिका वडा नं. ८ को एमाले तर्फका उम्मेद्वारको जुझारु टिमले मनोनयन दर्ता गरेर प्रचार प्रशारमा लागेका छन् । नगरकै कान्छो वडाध्यक्षको उम्मेद्वार बाबुराम अर्याल सहित महिला सदस्यमा जुना देवी थारु, दलित महिला सदस्यमा शारदा परियार र खुल्ला सदस्यहरुमा शैलेन्द्र बेल्बासे, विश्वास जिसी गरि ५ जनाको सक्रिय टिम रहेको छ । वडाको मुहार फेर्नका लागि ५ जनाको टिम लागिपर्ने वडाध्यक्ष पदका उम्मेद्वार अर्यालले बताउनुभयो । विशेष गरि नगरमै युवा टिम रहेकाले यो जुझारु टिमले वडालाई समृद्ध बनाउन विशेष भुमिका खेल्ने वडावासीले अपेक्षा गरेका छन् ।