बाणगंगामा कांग्रेसका वडा अध्यक्षका उम्मेदवार सारु सहितको प्यानल विजयी

कपिलवस्तु, ०१ वैशाख । कपिलवस्तु जिल्लाको बाणगंगा नगरपालिकामा कांग्रेसले खाता खोलेको छ । बाणगंगाको वडा नं. १ मा कांग्रेसका वडाध्यक्षका उम्मेदवार सञ्जु सारु मगर बिजयी भएका छन ।

सारुले नेकपा एमालेका उम्मेदार अमित पौडेललाई हराएका हुन । सारुले २ सय बढी मतको मतान्तरमा पौडेललाई हराएका हुन् । वडा नं. १ मा वडाध्यक्षसहित सिंगो प्यानलै कांग्रेसले जितेको छ । जसको महिला सदस्यमा टोपकला विसि, दलित महिला सदस्यमा सिता सुनार, खुल्ला सदस्यमा राजकुमार थारु र लक्ष्मी बहादुर खत्रि विजयी भएका छन् ।
निर्वाचन कार्यालयले औपचारिक मतपरिणाम भने अझै सार्वजनिक गरिसकेको छैन् ।