मत संख्यामा तलमाथि भएपछि कपिलवस्तुको विजयनगरमा मतगणना हुन सकेन्

कपिलवस्तु, ०२ जेठ ।
कपिलवस्तुको विजयनगर गाउँपालिकामा मतगणना रोकिएको छ । आइतबार साँझबाट विजयनगरमा मतगणना रोकिन पुगेको हो ।

मतदान अधिकृतले दिएको मतसंख्या र मत गणनामा बसेका कर्मचारीले दिएको संख्यामा तलमाथि भएपछि दलहरुले आपत्ति जनाउँदै मतगणना रोकेका थिए । वडा नं. २ को मतगणनामा यस्तो भेटिन पुगेको जनाइएको छ ।

विजयनगर गाउँपालिकाका निर्वाचन अधिकृत भविश्वर पाण्डेका अनुसार रोकिएको मतगणना सुचारु गर्नका लागि सर्वदलिय बैठक आहन गरिएको छ । सर्वदलिय बैठक बसे पछि मतगणना सुरु गर्ने तयारी छ । ७ वडा रहेको विजयनगरमा वडा नं. १ र वडा नं. ७ मा एमालेका उम्मेद्वार विजयी भएका छन् ।