बाणगंगाको मेयर उपमेयर सहित ६ वटा वडा एमाले,४ वटामा कांग्रेस र १ वटामा माओवादीको जित

कपिलवस्तु ५ जेठ । कपिलवस्तुको बाणगंगामा नेकपा एमालेले मेयर उपमेयर सहित ६ वटा वडामा जित सुनिश्चित गरेकोछ । मेयरमा चक्रपाणी अर्यालले ६ सय ३९ मतान्तरले विजयी हुनुभएको छ । त्यस्तै उपमेयरमा रीता कुमारी थारुले ९ सय ३५ मतान्तरमा उपमेयरमा विजयी हुनु भएको छ ।
यसपाली एमालेले ६ वटा वडा सहित मेयर उपमेयर जितेको हो । एमाले वडा नं २ ,४ ,७, ८ ९र १० मा विजयी भएको छ । त्यस्तै कांग्रेसले वडा नं १ ,५,६ र ११ जितेको छ । वडा नं ३ माओवादी केन्द्रले जितेको छ। तसर्थ वाणगंगामा ३ ठूला दलको उपस्थिती सुनिश्चित भएको हो । विगतमा एमालेले ७ वडा अध्यक्ष र उपमेयर जितेको थियो । कांग्रेसले ३ वडाध्यक्ष र मेयर जितेको थियो । माओवादीले एक वडा जितेको थियो । यसपाली कांग्रेसले धेरै गुमाएको छ एमालेले थोरै गुमाएपनि धेरै पाएकोछ । माओवादी न गुमाउने नपाउनेमा परेकोछ ।