वाम एकता देशको आवश्यकता हो, तर मूल नेताहरू नै पक्षमा छैनन्ः झलनाथ खनाल

काठमाण्डौ, २० जेठ । नेकपा एकीकृत समाजवादी मा सम्मानित नेता एवम् पूर्वप्रधानमन्त्री झलनाथ खनालले वामपन्थी आन्दोलनका मूल नेताहरू नै वाम एकताको पक्षमा नरहेको टिप्पणी गर्नुभएको छ ।

आज शुक्रवार प्रतिनिधि सभा बैठकमा भाग लिन नयाँ बानेश्वमा रहेको संसद् भवन पुग्नुभएका सम्मानित नेता खनालले सञ्चारकर्मीसँग संक्षिप्त कुराकानी गर्दै वाम एकता देशको आवश्यकता भएको पनि बताउनुभयो । वाम एकता आवश्यक भए पनि वामपन्थी आन्दोलनका मूल नेता भन्नेहरू नै एकताको पक्षमा नरहेको उहाँको गुनासो थियो ।

उहाँले भन्नुभयो, ‘देशको आवश्यकतालाई हेर्ने हो भने वाम एकता आवश्यक हो । तर आफूलाई वामपन्थी आन्दोलनका मूल भन्ने नेताहरू नै एकताको पक्षमा छैनन् । नेताहरूले एकताको आवश्यकता किन हो रु यसको ऐतिहासिकता के हो रु भन्ने कुरा नबुझेसम्म वामपन्थी एकता सम्भव नै हुँदैन ।’

सञ्चारकर्मीहरूको जिज्ञासाको जवाफ दिँदै खनालले बजेटमाथि छलफल भइरहेको बेलामा सांसदहरूको कम उपस्थिति हुनु राम्रो नभएको बताउनुभयो । संसदलाई उपेक्षा गरेमा नराम्रा परिणामहरू आउने उहाँले बताउनुभयो ।