देशभरका दर्तावाल पशु चिकित्सकहरु आन्दोलित

बुटवल ४ भदौ ।संघीय सरकारले बनाएको विधेयकले पशु चिकित्सक तथा विज्ञलाई विभेद गरेको भन्दै पशु चिकित्सकहरु आन्दोलित भएका छन् । पशु स्वास्थ्यजस्तो गम्भीर विषयमा विज्ञ र प्राविधिकबीच सामान्य भिन्नता समेत नदेखिने गरी विवादित विषयहरु सम्बोधन नगरी विधेयक अघि बढाइएको भन्दै नेपाल भेटेरिनरी एसोसिएसनको अगुवाइमा देशभरका दर्तावाल पशु चिकित्सकहरु आन्दोलित भएका हुन् । आन्दोलनका अन्तर्गत भेटेरिनरी एसोसिएसन लुम्बिनी प्रदेश समितिले शुक्रबार बुटवलमा विरोध ¥याली आयोजना गरेको छ ।
बसपार्कबाट निस्केको विरोध ¥याली राजमार्ग चौराहमा पुगेको थियो । विरोध ¥यालीपछि आयोजित कोणसभामा वक्ताहरुले विदेशमा रहेका दक्ष जनशक्ति स्वदेश भित्र्याउने नीति र वातावरण विकास गर्नुपर्नेमा दिनानुदिन वैज्ञानिक जनशक्ति पलायन हुने अवस्था सिर्जना गरिएका कारण विरोध गर्नुपरेको बताए । द्वैध अर्थ लाग्ने शब्दहरु राखी विधेयक पारित गरिएको भन्दै एसोसिएसनले चरणबद्ध आन्दोलनका कार्यक्रम घोषणा गरेको छ । पशु स्वास्थ्य तथा पशु सेवा परिषद् सम्बन्धमा व्यवस्था गर्न बनेको विधेयक प्रतिनिधिसभा बैठकबाट मंगलबार पारित भएको छ ।