कपिलवस्तुमा साप्ताहिक बन्दी हट्यो

कपिलवस्तु ७ भदौ । बाणगंगामा साप्ताहिक बन्दी हटेकोछ ।कपिलवस्तु उद्योग वाणिज्य संघको मातहतमा रहेका बजारहरु मंगलबार पनी खुल्ने भएका छन् ।नेपालीका विभिन्न चाडपर्वहरु नजिकिए संगै साप्ताहिक रुपमा मङ्गलबार बन्द रहदै आएका बजारहरु आजबाट खुल्ने कपिलवस्तु उद्योग वाणिज्य संघका महासचिव मनोज पौडेलले जानकारी दिए ।विभिन्न चाडपर्व नजिकिएसंगै स्थानीयको आवश्यकतालाई मध्यनजर गर्दै बजारहरु खुल्ला गरिएको पौडेलले बताए ।यस अघि कपिलवस्तु उद्योग वाणिज्य संघको मातहतका बजारहरु साप्ताहिक रुपमा मंगलबार बन्द रहदै आएका थिए । मंगलबार अर्थात आजैबाट लागु हुने गरी तिहारसम्म बजार खुल्ला रहने अध्यक्ष दोलखराम घिमिरेको भनाइछ । साप्ताहिक रुपमा बन्द रहेका बजारहरु खुलेसंगै स्थानीयलाई सातै दिन किनमेलमा सहज हुने छ ।