प्रदेश राजधानी भालुवाङ जोड्ने सडक ३ दशक सम्म सम्पन्न नहुदाको पीडा

कमला घिमिरे
कपिलवस्तु ७ असोज । अर्घाखाँचीको दक्षिण विकट गच्छे, धनचौर, जलुके लामा ताल हुँदै भालुबाङ्ग सम्म जोडिने झन्डै ५५ किलोमिटर सडक निर्माणको काम तीन दशक सम्म सम्पन्न नहुँदा स्थानीयले सास्तीपाएका छन् । भालुबाङ्गमा प्रदेश राजधानी बनेपछि चर्चा कमाएको यस सडकको विचविचमा ठुला खोला भएका कारण ट्याक्क खोल्न समस्या हुँदा यस भेगमा स्थानीयले सास्ती पाएका हुन् । बर्षायाममा सदरमुकाम सन्धीखर्क जान परे जलुके लामातालका स्थानीय प्युठान, भालुबाङ्ग, गोरुसिंगे हुँदै जानुपर्ने बाध्यता छ ।
तीनदशक पहिला देखी चुनावै पिच्छे यस सडकलाई देखाएर मतदाता आकर्षित गर्ने राजनितिक दलका नेतालाई आसन्न मंसीर ४मा हुने प्रदेश तथा प्रतिनिधि सभाको निर्वाचन पनि मत माग्न गतिलो माध्यम बन्ने छ । २ सय ४५ मेगाबाट क्षमताको बहुउद्वेश्यीय नौमुरे जलविद्युत आयोजना समेत यसै सडक खण्ड विचमा परेपनि सडक निर्माणको काममा ढिलाइ भएको स्थानीय बासिन्दाको भनाइ छ ।