निर्वाचन संहिता बिपरीतका प्रचार सामाग्री हटाउने काम शुरु: मापदण्ड विहिन प्रचार कार्यलय बन्द गर्न निर्देशन

बिकास थापा
कपिलवस्तु १४ कार्तिक ।कपिलवस्तु क्षेत्र नं १ अन्तर्गत निर्वाचनको अचारसंहिता बिपरीत टांगिएका प्रचारप्रसार सामाग्री हटाउने काम आजबाट शुरु भएको छ । जिल्ला निर्वाचन आचारसंहिता अनुगमन समितिका संयोजक मूख्य निर्वाचन अधिकृत , सहसंयोजक प्रमुख जिल्ला अधिकारी ,सुरक्षा निकायका प्रमुखहरु सदस्य ,निर्वाचन अधिकारी सदस्य सचिव रहेको समितिले मापदण्ड बिपरीतका साईनबोर्ड होर्डिंग बोर्ड हटाउने काम शुरु गरेको हो । आचारसंहिता बिपरीत कार्यहरु भएको जनगुनासो बढ्न थालेपछि चोक चोकमा टांगिएका पोष्टर तथा पम्प्लेट च्यातेर का्रबाही अघि बढाईएको प्रमुख जिल्ला अधिकारी धमेन्द्र कुमार मिश्रले बताउनुभयो ।
निर्वाचन आचारसंहिता भन्दा बढि खोलिएका चुनाव प्रचारप्रसार कार्यालयहरु बन्द गर्न निर्देशन समेत दिनुका साथै त्यहा रहेका साईन बोर्ड समेत निकाल्न लगाइएको उहाको भनाई छ । कपिलवस्तुका क्षेत्र नं १ का २ वटै प्रदेश क्षेत्र अन्तरगत बिभिन्न ठाउमा टागिएका ब्यानर समेत निकाल्ने काम गरिएको छ । जिल्ला निर्वाचन आचारसंहिता अनुगमन समितिका संयोजक ,सहसंयोजक , सुरक्षा निकाय,अनुगमन समितीका सदस्यहरु सामाग्रीहरु नष्ट गर्ने कार्यमा प्रत्यक्ष रुपमा सहभागि भएका थिए । बिभिन्न राजनितिका दलका कार्यालयहरुलाई पनि मापदण्ड बिपरितका साईन बोर्ड निकाल्न सम्बन्धित दलहरुलाई आग्रह गरिएको बताउदै अटेरि गरे मात्र प्रशासनले हस्तक्षेप गर्ने बताईएको छ । क्षेत्र नं १ बाट शुरु भएको यो अभियानमा जिल्लाका ३ वटै निर्वाचन क्षेत्रमा निरन्तर जारी राख्ने प्रशासनको योजना रहेको छ । बिभिन्न ठाउहरुमा रहेका मापदण्ड विपरीतका झण्डा समेत सो अबसरमा हटाईएको थियो ।