हावादारी घोषणा पत्र : सत्ता गठबन्धनका नेताले गर्छु भनेको काम २ वर्ष अघि नै भई सकेको पुष्टि

कपिलवस्तु २३ कात्तिक। कपिलवस्तु निर्वाचन क्षेत्र नम्बर २ का प्रतिनिधि सभा र प्रदेश सभाका नेपाली कांग्रेसका उम्मेदवारले दुई वर्षअघि नै सकिएको काम गर्ने प्रतिबद्धतासहितको घोषणा पत्र ल्याएका छन् ।कपिलवस्तु क्षेत्र नम्बर २ का प्रतिनिधि सभा सदस्य उम्मेदवार सुरेन्द्रराज आचार्य तथा प्रदेश सभा सदस्य उम्मेदवार विक्रम सिंह थापा र सुधाकर पाण्डेले सार्वजनिक गरेको प्रतिवद्धता पत्रमा कपिलवस्तु अस्पतालमा आईसीयू बेड विस्तार एवं बच्चाहरुको लागि एनआईसीयू कक्ष स्थापनामा सहयोग गर्ने उल्लेख छ ।उनीहरुको ३० बुँदे घोषणापत्रको बुँदा ४ मा लेखिएको छ, ‘कपिलवस्तु अस्पतालमा आईसीयू बेड विस्तार एवं बच्चाहरुको लागि एनआईसीयू कक्ष स्थापनामा सहयोग गर्ने ।’तर उनीहरुले उल्लेख गरेको कपिलवस्तु अस्पतालमा २०७७ साल चैत २४ गतेदेखि आईसीयू र एनआईसीयू सेवा सञ्चालनमा आएको थियो ।