सता गठबन्धनका बहालवाला मन्त्री यादवलाई पराजित गरेर मधुशुदनले रचे एमालेको नयाँ इतिहास

कपिलवस्तु ९ मंसिर । कपिलवस्तु निर्वाचन क्षेत्र नं १ को प्रदेशसभा २ मा गत स्थानीय निर्वाचनमा एमालेले कुनै पनि वडामा जित्न सकेन । कुनै पनि पालिकामा दोश्रो शक्ति समेत बन्न सकेन । तर केपि ओली र प्रदिप ज्ञवाली आएर पटक पटक प्रबेश गराएका मधेसी नेताहरुले कहा भोट दिए दिलाए र यस्तो भयो ? एमाले बृत्तमा सधै यो प्रश्न नै रहयो । त्यही प्रश्नको सटिक उत्तर यतिबेला मधेसका नेता कार्यकर्ताले एमाले समक्ष हिसाव गरेर बुझाएका छन् । जसका कारण सता गठबन्धनका बहालवाला मन्त्री शहषराम यादवलाई पराजित गरेर मधुशुदन चौधरी सहितको नेतृत्वले एमालेको नयाँ इतिहास रच्न सफल भएको छ । सत्ता गठबन्धन नेपाली कांग्रेसका प्रदेश सरकारका वहालवाला भौतिक योजना मन्त्री शहषराम यादव भन्दा २५ सय ८२ मत बढी ल्याउन सफल भएर मधुसुदनले नयाँ इतिहास रचेका हुन् । उनले ११हजार ८७५ पाएका छन् भने यादवले ९हजार ६६ मत पाएका छन् ।