एमाले मजवुत बन्दा जसपा र लोसपा कमजोर बन्दै: कपिलवस्तुमा यी दलभन्दा जनमत निकै मजवुत

कपिलवस्तु १७ मंसिर ।गत स्थानीय तहको निर्वाचन अघि रामै्र स्थितिमा रहेको जसपा नेपाल र लोसपा अहिले कपिलवस्तुमा निकै कमजोर बनेको छ । निर्वाचन अघि सो दलमा रहेका नेताहरु एमाले र कांग्रेस प्रबेश गरे पछि जसपा र लोसपा जिल्लामा निकै कमजोर देखिएको हो । लगातार ३ पटक सांसद जितेको बृजेश कुमार गुप्ता र जसपा नेता मंगल प्रसाद गुप्ता, लोसपा नेता मधुसुदनशरण चौधरी लगायतका नेता एमालेमा प्रबेश गरे पछि त्यसको नजिता अहिले देखिएको छ ।
गत मंसिर ४ गते सम्पन्न प्रतिनिधि सभा तथा प्रदेश सभा सदस्य निर्वाचनमा जसपा र लोसपा निकै कमजोर देखिएको छन । समानुपातिक तर्फको मतपरिणाममा यी दुबै पार्टीलाई हालै गठन भएको जनमत पार्टीले उछिन्न सफल भएको छ । डा. सिके राउत नेतृत्वको जनमत पार्टीले प्रतिनिधि सभाको समानुपातिक तर्फ १५ हजार २०५ मत ल्याएको छ । जिल्लामा चौथो स्थानमा आउन सफल जनमत पार्टी भन्दा जसपा झण्डै आधा मतान्तरले पछाडी छ । जसपाले प्रतिनिधि सभाको समानुपातिक तर्फ ८ हजार ८४१ मत पाएको छ । लोसपाले ६ हजार ४२३ मत पाएको छ।