पत्रकारीतामा यूवराज-अनुराग स्मृति अक्षय कोष स्थापना

पार्वती पाण्डे
कपिलवस्तु १८ पुस । स्वर्गीय यूवराज पाण्डे र अनुराग पाण्डेको स्मृतिमा यूवराज अनुराग स्मृति अक्षय कोष स्थापना भएकोछ । कपिलवस्तु संचार सहकारी संस्था मातहतमा हरेक वर्ष एकजना मेहनती पत्रकारलाई पुरस्कृत गर्नेगरी अन्नपूर्ण रजौरीयाले सो अक्षय कोष स्थापना गर्न धनरासी प्रदान गर्नु भएको हो ।यूवराज अनुराग स्मृति अक्षयकोषको राशी ५१ हजार ७ सय १८ रहेको छ ।यूवराज पाण्डेकी श्रीमती एवम अनुराग पाण्डेकी आमा अन्नपूर्ण रजौरीयाले कपिलवस्तु संचार सहकारी संस्थाका अध्यक्ष मित्रलाल शर्मालाई उक्त राशीको चेक हस्तान्तरण गर्नु भएको हो ।
रजौरीया कपिलवस्तु संचार सहकारी सस्थाको वार्ड सदस्य रहनु भएको छ । उहाले बाणगंगा वडा नं २ निवासी आफ्ना पति यूवराज र छोरा अनुरागको असामयिक निधनको पीडालाई शक्तिमा बदल्दै उहाहरुको स्मरणलाई चिरस्थायी बनाउन अक्षय कोष खडा गरेको वताउनु भयो । यो कोषवाट आर्जन हुने ब्याजले हरेक वर्ष एकजना श्रमजिवी पत्रकारलाई पुरस्कृत गर्ने सस्था र दाता बीच सहमति समेत भएको छ ।जनतामाविको प्रधानाध्यापक समेत भई सक्नु भएका स्वर्गिय यूवराज पाण्डे र साइन रेसुङा बैकको जीतपुर शाखा प्रबन्धक भएकै बखत दुर्घटनामा परि दुखद निधन हुनु भएका अनुराग दुबै कपिलवस्तुकालागि सधैव समाजले स्मरण गर्ने ब्यक्तित्व हुुनुहुन्थ्यो । यूवराज कपिलवस्तु संचार सहकारीको सस्थापक शेयर सदस्य समेत रहनु भएको थियो ।
सामुदायिक टेलिभिजन बुद्ध आवाज र बुद्ध आवाज रेडियोको संचालक सस्था कपिलवस्तु संचार सहकारी सस्थाका अध्यक्ष मित्रलाल शर्माले सस्था मातहतमा अक्षय कोष स्थापना गर्नुहुने रजौरीया प्रति कृतज्ञता प्रकट गर्नु भयो । उहा जस्तै अरु उदाहरणीय पात्रले यस्तै अक्षय कोषहरु स्थापना गरेर पत्रकारीता क्षेत्रलाई प्रोत्साहन गर्न समेत उहाँले अपिल गर्नु भयो ।