कपिलवस्तु १२ चैत ।कपिलवस्तुको बाणगंगा नगरपालिका वडा नम्बर ४ का दुई ब्यापारीले शनिवार आफनो जन्म दिन तौलिहवा स्थित बालगृहका बेसाहरा बालकसंग मनाएका छन । कपिलवस्तु उद्योग ब्यापार संघ बाणगंगा जिल्ला अध्यक्ष खिमानन्द पौडेल संघका कार्य समिति सदस्य मुक्ती राम कडेलले बालगृहमा २३ बेसाहरा बालकसंग मनाएका हुन । दुबै जनाले जन्म दिनको अवसरमा ३ वटा केक समेत काटेर बालकहरुसंग रमाईलो गरी जन्म दिन मनाएका हुन ।उनीहरुले बालगृहलाई १९ हजार २ सय बराबरको खाद्यान्न समेत दिएका थिए ।
सो अवसरमा दुबै जनाका परिवारका सदस्यहरु र संघका अन्य पदाधिकारीहरु समेत सहभागी थिए । संघका अध्यष पौडेलले आफुले बिगत बर्षहरुमा समेत बालगृहमा जन्म दिन मनाउदै आएको बताए । उनले २ बर्ष मनाउन नसेको जन्म दिन यसरी बालगृहमा मनाउन पाउदा निकै खुशी लागेको बताए । उनले तामझाम र फजुल खर्च भन्दा यसरी बालगृहमा जन्म दिन मनाउदा आफुलाई निकै संतुष्टी मिलेको उनले बताए ।
अर्का ब्यापारी कंडेलले समेत बेसाहरा बालकहरुसंग जनम दिन मनाउन पाउदा आफुलाई निकै खुशी लागेको बताए । चामल,दाल,तेल, नुन, चना, सरफ, फिनेल, हरपिक लगायतका विभिन्न जिन्सी सामाग्रिहरू उपलब्ध गराइएको थियो । बालगृह प्रमुख श्री राम प्रसाद अर्यालले सामाजिक सेवाको भावनाबाट अभिप्रेरित भएर यसरी बालकहरुसंग जनम दिन मनाएकोमा धन्यबाद दिए । उनले बालकहरुको हौसला बढाई बालगुहलाई समेत सहयोग गरेकोमा आभार समते ब्यक्त गरे ।
प्रतिक्रिया