प्रधानमन्त्रीको प्रेस सल्लाहकारमा आचार्य नियुक्त

कपिलवस्तु २८ चैत । प्रधानमन्त्री पुष्पकमल दाहालले गोविन्द आचार्यलाई प्रेस सल्लाहकारमा नियुक्त गरेका छन् । प्रधानमन्त्री दाहालले नेपाल पत्रकार महासंघका पूर्वअध्यक्ष समेत रहेका आचार्यलाई सोमबार प्रेस सल्लाहकार नियुक्त गरेको प्रधानमन्त्रीका मुख्य सल्लाहकार हरिबोल गजुरेलले जानकारी दिए ।
आचार्य यसअघि २०७३ मा दाहाल दोस्रो पटक प्रधानमन्त्री बन्दा पनि प्रेस सल्लाहकार थिए । आचार्य न्यूनतम पारिश्रमिक निर्धारण समितिका पूर्वअध्यक्षसमेत हुन् ।