अब्यवस्थित संरचना प्रति तम्घासमा सून्य सहनशिलता अभियान :डोजर प्रयोग गरी हटाउन सुरु

गुल्मी १० बैशाख । गुल्मी जिल्लाको सदरमुकाम तम्घास बजारमा अव्यवस्थित रूपमा निर्माण संरचनाहरु हटाउन सुरु गरिएको छ । सडक पेटी मिचेर निर्माण गरिएका भौतिक संरचनाहरु डोजरले हटाउन थालिएको हो ।गुल्मीको रेसुंगा नगरपालिकाले यहाँको बजार क्षेत्रमा कालोपत्रे गर्नका लागि बिहीबारदेखि डोजर प्रयोग गरी सडक मिचेर बनाइएका अव्यवस्थित पेटी लगायतका संरचनाहरु हटाउन सुरु गरेको हो ।
यसअघि नगरपालिकाले सडक छेउँछाउँका अव्यवस्थित रूपमा निर्माण गरिएका सडकपेटीहरु हटाउन निर्देशन दिएको थियो । तोकेको समयमा घरधनीहरुले नहटाएपछि नगरपालिकाले डोजर चलाउनु परेको नगर प्रमुख खिलध्वज पन्थीले बताए । नगरपालिकाले हटाउन थालेपछि घरधनीहरुले पनि संरचनाहरु भत्काउन सुरु गरेका छन् । नगरपालिकाले ३० फिटको सडक मापदण्ड कायम गरेको नगरप्रमुख पन्थीले जानकारी दिए । यस्तै नगरपालिकाले तम्घास बजार क्षेत्रमा अव्यवस्थित रूपमा रहेका विद्युत्, केबुल तथा इन्टरनेटका पोल तथा तारहरु समेत हटाई व्यवस्थित गर्न सुरु गरेको स्थानीय साजन बस्नेतले जानकारी दिए ।