हेलिकोप्टटरवाट उद्धार गरिएका पाल्पाली यूवाको मृत्यू

पाल्पा ४ असोज । पाल्पाको बागनासकालीमा जिपको ठक्करबाट मोटरसाइकलमा सवार एक युवकको मृत्यु भएको छ।दुर्घटनामा बगनासकाली गाउँपालिका ७ खानीगाउँ निवासी २८ वर्षीय सुधन भट्टराईको मृत्यु भएको जिल्ला प्रहरी कार्यालय पाल्पाले जनाएको छ। तानसेनबाट खानीगाउँतर्फ जाँदै गरेको लु५५ प ६८५६ नम्बरको मोटरसाइकललाई बुधबार दिउँसो विपरीत दिशाबाट आउँदै गरेको लु१ ज १७५९ नम्बरको जीपले चापपानी भन्ने ठाउँमा ठक्कर दिँदा भट्टराई गम्भीर घाइते भएका थिए।

उनलाई तानसेनस्थित युनाइटेड मिसन अस्पतालमा सामान्य उपचारपछि थप उपचारका लागि हेलिकप्टरमार्फत काठमाडौँको ग्राण्डी हस्पिटल लगिएको थियो। उपचारकै क्रममा बुधबार साँझ उनको मृत्यु भएको प्रहरीले जनाएको छ। दुर्घटनापछि जिप चालकलाई प्रहरीले पक्राउ गरेको छ।