शिक्षकले छात्रालाई निर्घात रुपमा कुटे

कपिलवस्तु १२ असोज ।होमवर्क डायरीमा अभिभावकको हस्ताक्षर नगराएको भन्दै कपिलवस्तुको तौलिहवा स्थित सनसाइन आवासीय माध्यमिक विद्यालयका कम्प्युटर शिक्षकले एक छात्रालाई निर्घात कुटपीट गरेका छन । कम्प्युटर विषयका शिक्षक ऋषिकेश पाण्डेले कक्षा ५ मा अध्ययनरत ११ बर्षिय छात्रा पिहु बर्मालाई गत बुधवार निर्मतापुर्वक कुटेका हुन । बालिकाको देव्रे र दाहिने पाखुरा र हातभरी निलडाम छन् । खुट्टामा समेत चोट छ । छात्रा बर्माले आफुलाई शिक्षक पाण्डेयले होमवर्क डायरीमा अभिभावको हस्ताक्षर नगराएको भन्दैे कक्षा कोठामै कुटेको बताईन ।

यशोधरा गाउपालिका २ घर भएका शिक्षक पाण्डेयले सो बिद्यालयमा ४ बर्ष देखि पढाउदै आएका छन । पीडीत र पीडक पक्ष बिच जिल्ला प्रहरी कार्यालयमा सहमति भए पछि मुद्दा भने दर्ता नभएको सामुदायिक सेवा केन्द्रका अध्यक्ष देबी प्रसाद बर्माले बताए । शिक्षक पाण्डेयले छात्रा बर्मा र उनका अभिभावकसंग माफी मागेका थिए । पाण्डेयलाई बिद्यालयबाट हटाउने समेत सहमति भएको छ ।