शुद्ध खानोपनीमा बाणगंगा प्रदेश मै अगाडी

कपिलवस्तु १३ असोज । शुद्ध खानोपनीमा बाणगंगा प्रदेश मै सबै भन्दा अगाडी रहेको पाइएको छ । वाणगंगा र गजेहडा भुपुसैनिक खानेपानी तथा सरसफाई उपभोक्ता समिति वाणगंगा कपिलवस्तुको आर्थिक वर्ष २०७९ र ८० को समिक्षा तथा आर्थिक वर्ष २०८० /८१ को निती तथा अन्तरक्रिया कार्यक्रममा शनिवार यस्तो तथ्य प्रस्तुत गरिएको हो । कार्यक्रमको समुद्घाटन गर्दै संस्थाका सल्लाहकार एवं जेष्ठ सदस्य वलवहादुर थापाले शुद्ध खानेपानी नागरिकलाई खुवाउनु पर्ने सरकारको दायित्व रहेको बताउनु भयो । नागरिकलाई पानीका लागि सरकारले आवश्यकता अनुसारको बजेट बिनियोजन गर्न कन्जुस्याई गर्न नहुने जनाउनु भयो ।
कार्यक्रममा संस्थाका अध्यक्ष राजेन्द्र विक्रम शाहले भावी निती योजना , आगामी वर्षको भावी योजना सहित पञ्चवर्षिय रणनितिक योजना प्रस्तुत गर्नु भएको थियो । उक्त योजनालाई सर्वसम्मत रुपले पारित गरिएको थियो । संस्थाका उपाध्यक्ष झलक वहादुर मल्लको स्वागत , सचिव विजय शाहीको सञ्चालनमा भएको कार्यक्रममा संस्थाका सल्लाहकार संयोजक द्रोणराज सुबेदी , दोलख वहादुर पछाई , कृष्ण प्रसाद भट्राई , चिरञ्जीवी भण्डारी , चित्रवहादुर खाँण , अनुगमन समितिका संयोजक वालाराम ज्ञवाली , लेखा संयोजक कमल पौडेल , पानी सुरक्षा समितिका ओमलाल गिरी , लगायतले सुझाव सहित आआफ्नो धारणा राख्ने भएको थियो ।
कार्यक्रममा लेखा समिति सदस्य हरिलाल शर्माले कार्यक्रमको वारेमा प्रस्तुती गर्नु भएको थियो । २०६२ सालमा स्थापना भएको संस्थामा २६सय ३० घरधुरी उपभोक्ता रहेका छन । संस्थाको वाणगंगा १ उत्तमनगरमा सुविधा सम्पन्न भवन रहेको छ