दाङ, २२ असोज ।
लुम्बिनी प्रदेशका अर्थमन्त्री धन बहादुर मास्की सवार गाडी दुर्घटनामा परेको छ । अर्थमन्त्री मास्की सवार लु १ झा ७३८ नम्बरको गाडी दुर्घटनामा परेको हो ।
तुलसीपुर उपमहानगरपालिकाको वडा नं. १३ को शितलपुरमा गाडी दुर्घटनामा परेको अर्थमन्त्रीका स्वकिय सचिव शम्भु रेग्मीले जानकारी दिए । पार्टीको कार्यक्रम सकेर अर्थमन्त्री मास्की मन्त्रालय फर्किदै गार्दा गाडी दुर्घटनामा परेको हो । एक्कासी बच्चा सडकमा आएपछी बचाउने क्रममा गाडी सडकबाट हुत्तिएर झाडीमा पुगेर दुर्घटनामा परेको उनले बताए ।
गाडिमा सवार मन्त्री, स्वकिय सहित सबै जनालाई सामान्य चोट लागेको छ । सामान्य चोटपटक लागेको र जोखिम नरहेको जिल्ला प्रहरी कार्यालय दाङले जनाएको छ । गाडीमा ५ जना सवार थिए । मन्त्री, स्वकिय सचिव, पिएसओ, भान्से र चालक थिए ।
प्रतिक्रिया