कपिलवस्तु, १३ कार्तिक ।
जनतासँग माओवादी विशेष रूपान्तरण अभियान अन्तरगत नेपाल कम्युनिष्ट पार्टी ( माओवादी केन्द्र ) कपिलवस्तुद्वारा नेपालीहरूका सांस्कृतिक पर्व बडा दशैँ, दिपावली, छठ, नेपाल सम्वत् लगायतको शुभ अवसरमा चियापान तथा शुभकामना आदानप्रदान कार्यक्रम आयोजना गरिएको छ ।
उक्त कार्यक्रममा बोल्दै पूर्व कृषि मन्त्री चक्रपाणि खनाल ( बलदेव ) ले हाल अन्तर्राष्ट्रिय स्तरमा मन्दी रहेको हुँदा नेपालमा समेत मन्दी देखिएको बताएका छन् । उनले नेपालको आर्थिक अवस्था सुधार्न कृषि, शिक्षामा विशेष जोड दिनु पर्ने र विदेशबाट आएको रेमिटेन्सको उचित सदुपयोग गर्नु पर्ने धारणा समेत व्यक्त गरेका छन् ।
उक्त कार्यक्रममा पूर्व युवा तथा खेलकुद मन्त्री महेश्वर गहतराज ( अथक ), नेकपा एमाले, जसपा, राप्रपा, रास्वपा लगायत पार्टीका नेता तथा प्रतिनिधि उपस्थित रहेका थिए । उक्त कार्यालय कपिलवस्तु नगरपालिकाको सभा हलमा नेकपा माओवादीका जिल्ला संयोजक विष्णु बेलबासेको अध्यक्षतामा सम्पन्न भएको छ । कार्यक्रम सञ्चालन नेकपा माओवादी जिल्ला सचिव हजरत अलिले गरेका थिए ।
प्रतिक्रिया