प्यूठान कारागारलाई देशकै नमुना बनाउन सांसद गिरीको बिशेष पहल : पुस्तकालय भवन र पुस्तक जुटाउने उद्घोष

प्युठान २२ कात्तिक । लुम्बिनी प्रदेश सभा सदस्य निमा गिरीले प्युठान कारागारमा रहेका कैदीबन्दीलाई पुस्तक पढ्ने वातावरण बनाउन अभियान थाल्नुभएको छ । निकट भविश्यमा छुटटै पुस्तक वनाउने गरी हाल “कारागारमा पुस्तक अभियान” मार्फत गिरीले अहिले विभिन्न निकायबाट पुस्तक सङ्कलन गरिरहनुभएको छ ।उहाँले आफ्नो जन्मदिनको अवसरमा यो अभियान थालनी गर्नुभएको हो ।अभियानलाई अघि बढाउन जिल्लाकै खलङ्गा सरोकार समूहले समन्वय गरेको छ ।
कारागार प्रमुख सूर्य पन्तसँग छलफल गरी पुस्तकालयलाई व्यवस्थित रूपमा सञ्चालन गर्न लागिएको सांसद गिरीले बताउनुभयो । पुस्तकालय कारागारमा नभएकाले राम्रो ¥याक बनाउने कुरा भएको उहाँले बताउनुभयो । पीडित सेवा सङ्घले २०७१ सालमा स्थापना गरेको पुस्तकालय जीर्ण भइसकेको छ ।यो अभियानमा अरू व्यक्तिहरूले समेत पुस्तक दिन चासो दिएको सांसद गिरीले बताउनुभयो । अभियानलाई प्रदेशका १२ वटै जिल्लामा रहेका कारागारमा पुस्तकालय बनाउने गरी अघि बढाउने सोचमा रहेको समेत उहाँले बताउनुभयो ।