तस्करले सुरक्षागस्ती हुने क्षेत्रमै दुईवटा गैँडा कसरी मारे ?

चितवन १ मंसिर । तिहार अगाडि तस्करहरूले चितवन राष्ट्रिय निकुञ्जमा दुईवटा एकसिंगे गैँडा मारेका छन् । निकुञ्जको पूर्वी सेक्टरको चप्परखोरी भन्ने ठाउँमा दुईवटा पोथी गैँडा मारेका हुन् ।गैँडालाई धरापमा पार्न ठुलो खाल्डो खनिएको छ । खाल्डो खनिन्जेल निकुञ्जको सुरक्षागस्तीले समेत थापा नपाउनु रहस्यमण देखिएको छ ।
एउटा अन्दाजी १८ वर्षको र अर्को अन्दाजी ५ वर्षको पोथी गैँडा तस्करले मारेको चितवन राष्ट्रिय निकुञ्जका सूचना अधिकारी गणेश तिवारीले जानकारी दिए । दुबैको खाग भने काटिएको अवस्थामा रहेको छ ।तस्करले दुईवटा अलग–अलग खाल्डोको धरापमा पारेर गैँडा मारी खाग र खुर काटेर लगेको पाइएको उनले बताए ।
दुई गैँडा एक हप्तादेखि १० दिन अगाडिको बीचमा मारेको हुनसक्ने आशंका छ ।गैँडा मारिएको स्थान मानिसहरूको चहलपहल तथा सेनाको समेत गस्ती हुने क्षेत्र हो ।