पुरुषले मदीरा सेवन गर्दा धैरै महिलाले दुःख पाएको खुलाशा

कपिलवस्तु १६ मंसिर।लैगिक हिंसा विरुद्धको १६ दिने अभियान अन्तरगत अनेमसंघ यशोधरा गाउँ कमिटिले एक दिने कार्यक्रम शनिवार गरेको छ । कार्यक्रमलाई सम्बोधन गर्दै अनेमसंघका केन्द्रीय सदस्य शारदा शर्माले लैंगिक हिंसा अन्त्यका लागि सरकारले ठोस योजना बनाउनु पर्ने बताउनु भयो । लैंगिक हिंसाको जरो पत्ता नलगाउदा सम्म हिंसा भइरहने , लगानी खर्च भईरहने भन्दै सरकारले नितिगत रुपमा दिर्घकालिन योजना बनाएर कार्यान्वयन गर्नु पर्ने बताउनु भयो ।

कार्यक्रममा बोल्दै संघका जिल्ला अध्यक्ष शान्ता पाण्डेले पुरुषले मदीरा सेवन गर्दा महिलाहरु धैरै हिंसामा परेको भन्दै सरकारले मदिरा नियन्त्रण गर्नु पर्ने बताउनु भयो । संघका गाउँकमिटि अध्यक्ष गुञ्जादेवी मौर्याको अध्यक्षता संघका प्रदेश कमिटि सदस्य पवन रेखा पाठकको सञ्चालनमा भएको कार्यक्रममा यशोधरा गाउँ कमिटिका सचिव रामेन्द्र मौर्या ,वडा सदस्यहरु लगायतको उपस्थिती रहेको अनेमसंघले जनाएको छ ।