कपिलवस्तु, २६ मंसिर । १४ औं कपिलवस्तु महोत्सवमा वृहत रक्तदान कार्यक्रम हुने भएको छ । कपिलवस्तु जेसीजका मुल समिति संयोजक तथा जेसीजका सल्लाहकार राजेन्द्र अर्यालको संयोजकत्वमा महोत्सवमा यहि मंसिर २७ गतेबाट ३ दिन वृहत रक्तदान कार्यक्रम हुने भएको हो ।
लायन्स क्लव अफ कपिलवस्तु, लायन्स क्लव अफ कपिलवस्तु दिदीबहिनी, औषधी व्यवसायी संघ कपिलवस्तु तथा लियो क्लव अफ कपिलवस्तुको संयुक्त आयोजनामा रक्तदान कार्यक्रम हुने कार्यक्रमका संयोजक राजेन्द्र अर्यालले जानकारी दिनुभयो । भोलि अर्थात मंसिर २७ गते विहान ८ बजे सम्म सम्पर्कमा आउने संघ संस्थालाई आयोजकको रुपमा राखिने बताईएको छ ।
त्यस्तै भोलि ११ बजे बाट कार्यक्रम सुरु हुने र भोलि ५० प्वाईन्ट रगत संकलन हुने अपेक्षा रहेको संयोजक अर्यालले बताउनुभयो । कार्यक्रम ३ दिन सम्म निरन्तर हुने छ ।
प्रतिक्रिया