उद्योग बाणिज्य संघ कपिलवस्तुको निर्वाचन आज ९ देखि ४ वजे सम्म मतदान : ३ प्यानल बीच प्रतिस्पर्धा

कपिलवस्तु २७ माघ।उद्योग बाणिज्य संघ कपिलवस्तुको निर्वाचन आज हुदैछ । विहान ९ देखि अपरान्ह ४ वजे सम्म मतदान हुने निर्वाचन समितीका गुनानिधी भुसालले वताउनु भयो । २ हजार ७८ मतदाता रहेको निर्वाचनमा सत्ता साझेदार दल र राप्रपा समर्थित गठबन्धनवाट गणेश क्षेत्री ,एमालेको एकल प्यानलवाट अध्यक्षमा मोहन न्यौपाने र रास्वपा समर्थित प्यानलवाट अध्यक्षमा लक्ष्मण कडेल चुनावी प्रतिस्पर्धामा हुनु हुन्छ । ३ प्यानल बीच कडा प्रतिस्पर्धा रहने वताइएपनि मुख्य प्रतिस्पर्धा गठबन्धन र एमाले समर्थित उम्मेदवार बीच नै हुने आकलन छ । भोट हाल्न परिचय खुल्ने आधार सहित उपस्थित हुन निर्वाचन समितीले आग्रह गरेको छ ।