प्रतिनिधी सभामा विद्येकहरु थुप्रिन दिदैनौ :उपाध्यक्ष घिमिरे

काठमाडौ ९ बैशाख । राष्ट्रियसभाकी उपाध्यक्ष विमला घिमिरेले राष्ट्रियसभामा पनि केहि विधेयकहरु दर्ता हुनुपर्ने बताउनुभएको छ । आइतबार काठमाडौंमा सञ्चारकर्मीसंग छलफल गर्दै उपाध्यक्ष घिमिरेले राष्ट्रियसभालाई बिजनेश बिहिन हुन नदिन अव नयाँ आउने बिधेयकहरु राष्ट्रियसभामा पनि दर्ता हुनुपर्ने र यसका लागि छलफल भइरहेको बताउनुभएको हो । धेरै विधेयकहरु प्रतिनिधिसभा मात्रै थुप्रिने अवस्था अन्त्य गर्नका लागि पनि केहि विधेयकहरु राष्ट्रियसभा मार्फत अघि बढ्नुपर्ने उहाले बताउनुभयो ।

उहाले चैत्र २८ गते पदबहाली भएसंग पार्टीका सवै जिम्मेवारीबाट अलग भएको जानकारी दिनुभयो ।
राष्ट्रियसभाको उपाध्यक्ष पदमा रहँदा संविधान, नियमावलीको परिधिभित्र रहेर प्रभावकारी भूमिका निर्वाह गर्ने उहाले बताउनुभयो । त्यस्तै उपाध्यक्ष घिमिरेले महिला सांसदहरु सूचनाबाट टाढा हुने अवस्थाको अन्त्य गर्नुपर्ने धारणा राख्नुभयो । उहाले समावेशी सहभागीताको आधारमा महिलाको हरेक बिषयमा पहुँचको सुनिश्चितता हुनुपर्ने बताउनुभयो । घिमिरेले महिला सांसदप्रति सञ्चारमाध्यमले हेर्ने दृष्टिकोणलाई पनि परिवर्तन गर्नुपर्ने सुझाव दिनुभयो ।