थरु बहुल्य वाणगंगा नगरमा सिकलसेलका लागि रक्त परिक्षण अभियान शुरु

क्पिलवस्तु १७ जेठ । बाणगंगा नगरपालिकाले २ दिनमा करिब ४ सय ११ जनामा सिकलसेल एनिमिया रोगको स्क्रिनिङका लागि नमुना रगत संकलन गरेको छ । विहिबार र शुक्रबार नगरको २ स्थान हेमराज मावि हथौसा र धनकौली सामुदायिक भवनमा शिविर संचालन गरि नमुना रगत संकलन गरिएको हो । सिकलसेल एनिमिया थ थारू समुदायमा रहेको वंशाणुगत रोग हो ।
यसको रोकथाम र नियन्त्रणका लागि शिविरको आयोजना गरिएको नगरको स्वास्थ्य शाखा प्रमुख ठगराज पौडलले जानकारी दिनुभयो । सिकलसेल रोग एक प्रकारको वंशानुगत रोग हो । यो रोग आमाबुबाबाट छोराछोरीमा सर्ने गर्छ । यो रोग जिनमा हुने खराबीले गर्दा हुन्छ । यदी आमा र बुबा दुवैमा यो रोगको जीन छ भने दुईमध्ये एक जना सन्तानमा यो रोग सर्ने प्रदेश जनस्वास्थ्य प्रयोगशालाका निर्देशक राजेश कुमार गुप्ताले बताउनुभयो ।