एजेन्सी ७ असार ।दिल्ली सरकारको मदिरासम्बन्धी नीतिसँग जोडिएको भ्रष्टाचारको आरोपमा जेलमा रहेका मुख्यमन्त्री अरविन्द केजरीवाललाई अदालतले जमानत दिएको छ।
भारतीय सञ्चारमाध्यमका अनुसार राउज एभिन्यु अदालतले बिहीबार ९जुन २० मा० दिल्लीका मुख्यमन्त्री केजरीवाललाई धरौटीमा रिहा हुन पाउने सुविधा दिएको हो। उनी शुक्रबार जेलबाट बाहिर आउन सक्नेछन्।उता ईडीले भने जमानतविरुद्ध अपिल गर्न ४८ घण्टाको समय मागेको छ। अदालतले भोलि न्यायाधीशसमक्ष यो बहस गर्न सकिने जनाएको छ।
यसअघि ईडीले अदालतलाई ४८ घण्टाका लागि जमानतमा रोक लगाउन भनेको थियो, तर भ्याकेसन बेन्चले यसलाई अस्वीकार गर्यो।अदालतले केजरीवाललाई १ लाख रुपैयाँ धरौटी बुझाउन भनेको छ।
यसअघि सर्वोच्च अदालतले लोकसभा चुनावका लागि २१ दिनको अन्तरिम जमानत दिँदा रिहा भएका केजरीवाल सो अवधि सकिएपछि अप्रिल २ मा पुनः तिहाड जेल फर्किएका थिए। केजरीवाल मार्च २१ मा पक्राउ परेका थिए।
प्रतिक्रिया