दोधारा चाँदनी (कञ्चनपुर),२७ फागुन
लिटिल वुद्ध एकेडमीले आयोजना गरेको सुदूरपश्चिम प्रदेशस्तरीय अन्तर विद्यालय भलिबल कपको उपाधि इन्टरनेशनल एकेडेमीले हात पारेको छ । महेन्द्रनगरस्थित कभर्ड हलमा आज सम्पन्न फाइनल खेलमा आयोजक लिटिल वुद्धलाई ३–१ सेटमा पराजित गर्दै इन्टरनेशनल एकेडेमीले उपाधि हात पारेको हो । प्रतियोगिताको विजेता टोलीले ट्रफि, मेडल, प्रमाणपत्र र नगद रु ७५ हजार प्राप्त गरेको छ । त्यसैगरी उप–विजेता टोली लिटिल वुद्ध एकेडमीले ट्रफी, मेडल, प्रमाणपत्र र नगद रु ५० हजार पुरस्कार प्राप्त गरेको छ । प्रतियोगिताका तेस्रो भएको सरस्वती माध्यमिक विद्यालयले ट्रफी, मेडल, प्रमाणपत्र र नगद रु २५ हजार प्राप्त गरेको छ । विजेता उपविजेता टोलीलाई समन्वय समिति कञ्चनपुरका प्रमुख दुर्गादत्त बोहरा, राष्ट्रिय भलिबल टिमका मुख्य प्रशिक्षक जगदीश भट्ट र जिल्ला भलिबल सङ्घ कञ्चनपुरका अध्यक्ष श्याम सिंह मौनिले पुरस्कार प्रदान गर्नुभयो ।
प्रतिक्रिया